வயிற்றுப்புண் என்று சாதாரணமாக சொல்லப்படும் குன்மம் வயிற்றிலோ, சிறுகுடலின் முற்பகுதியிலோ அதன் உள்ளுக்கு ஏற்படும் புண்ணை குறிக்கிறது. வயிற்றிலும், சிறுகுடலின் முற்பகுதியிலும் அதன் உள்ளில் மெல்லிய ஒரு திசுப்படலம் இருக்கும். அதில் தான் இந்த புண் ஏற்படுகிறது.

சித்த மருத்துவத்தைப் பொறுத்தவரை வாதத்தில் குறைபாடு ஏற்பட்டால் குன்மம் ஏற்படுகிறது. குன்மத்தில் எட்டு வகைகள் இருப்பதாக சித்த மருத்துவம் கூறுகிறது. அவை வலி குன்மம், அழல் குன்மம், இய குன்மம், முக்குற்ற குன்மம், வாயு குன்மம், எரி குன்மம், சக்தி குன்மம், வளி குன்மம் ஆகியன ஆகும்.

குன்மம் ஏற்படுவதற்கான காரணங்கள்

• ஒரு வகை பாக்டீரியாவினால் குன்மம் ஏற்படுகிறது என்று சொல்லுவார்கள். இந்த வகை பாக்டீரியா எல்லோருக்குமே வயிற்றில் இருக்கும் என்றாலும் இந்த பாக்டீரியா ஏன் திடீரென்று வயிற்றின் உள் பகுதி திசுப் படலத்தை புண்ணாக்கி குன்மத்தை ஏற்படுத்தவேண்டும். புகை பிடிப்பது, மது அருந்துவது, சரியான நேரத்திற்கு உணவு சாப்பிடாதது, சரியான நேரத்திற்கு தூங்காதது, மன அழுத்தம், சில வகை உணவுகள், போன்ற காரணங்கள் தான் குன்மத்தை வரவழைக்கின்றன என்ற பொதுவான கருத்து நிலவுகிறது.
• சில வகை மருந்துகளை வழக்கமாக எடுப்பதாலும் குன்மம் ஏற்படலாம்.
• சித்த மருத்துவத்தைப் பொறுத்தவரை புளிப்பு சுவை, நார்ச்சத்து இல்லாத கிழங்கு வகைகள் போன்ற உணவுகள் குன்மம் வரவழைப்பதில் பெரும் பங்கு வகிப்பதாகச் சொல்லுகிறது.

குன்மம் இருந்தால் ஏற்படும் வழக்கமான அறிகுறிகள்

பெரும்பான்மையாக சொல்லிக்கொள்ளும்படியான அறிகுறிகளை ஆரம்பக் கட்டத்தில் குன்ம நோய் ஏற்படுத்துவதில்லை. ஆனாலும் கீழ்கண்ட சில அறிகுறிகளை அது சிலருக்கு ஏற்படுத்தலாம்.

• வயிற்றுக்குள் எரிவது போன்ற ஒரு வலி.
• கொழுப்பு நிறைந்த உணவை உட்கொண்டவுடன் இந்த வயிற்றுவலி அதிகரிக்கும்
• நெஞ்செரிச்சல்
• வயிறு நிறைவாக இருக்கும்படியான ஒரு உணர்வ.
• குமட்டல்

குன்மத்தால் அதிகரித்தால் ஏற்படும் அறிகுறிகள்

• ரத்த வாந்தி எடுத்தல்
• கருமையாக மலம் கழித்தல்
• திடீர் உடல் எடை குறைவு
• வாந்தியும், குமட்டலும்
• பசி எடுக்கும் உணர்வில் மாற்றம் ஏற்படுதல்